Shillong: Ka Nationalist Congress Party (NCP) da pyllait paidbah ko ya ki phang krehkaam yong ka ynne ka sngi heiwa da booh thong wow kyrchaan ya ar ngut ki khynroo na ka jylla wow yakhun ya ka exam Indian Administrative Service (IAS) man u snem na ka poisa ki MLA ka Party.
Ya kani ka thong krehkaam Election da pyllait da u working president ka NCP u Vijay Rai wa u General Secretary u SP Thapa ha ka yalang kaba da pynman ha yungkrehkaam ka Party.
Hei yatoh wa ka luti rel, u Vijay da ong u wa ka Party kwah ko wow pynkrehkam chwa ya ki laad wow sonteri yei psiah i mih ki baar jylla wei dep neitæ nawon u pynbood sa ya ka luti rel.
U SP Thapa da ong u wa ka Party ympu kyrchaan ko yei tih ya u Uranium kat wympu ye u pyntikna wa ym ktah ko ya i chait i khiah ki paidbah.
Hei yatoh wa i kajia pood ka Assam wa Meghalaya, u Thapa da ong u wa ka seiñ kwah ko wow rah ya kani ka kaam cha Supreme Court wow bichaar neibhah i yaklam ympoi ki cheiwon cheiwon leh.
Ha kani ka thong krehkaam da kular leh wow thoooh ki laad kamai, wow kyntu kynrong ya ki kaam puræ puthi, ka bordiñ wa kiwi kiwi kiwa ktah ya ka jylla.
Ha iwi i liang, u Thapa da ong u wa ka NCP daw pynman ko ya ka yalang paidbah mynstep ha Williamnagar neibynta wow chim ya kawon kawon ka rai wa yeiyi u pynyieñ kam u kyrtong na kani ka Constituency hadien wa dooh yei mynsien u Jonathone N Sangma u kyrtong ka party.
Discussion about this post