Shillong: Ka Congress ha KHADC kawa da rai wow chong bait ha ka liang pyrchah wei da jied ko ya u MDC ka Mylliem, u Ronnie V Lyngdoh kam uwa ektien ka party ha Council wei yeini da pyntip da u heh ka Congress Parliamentary Party (CPP), u Lamphrang Blah.
Hawa klam hajrong i jied hadooh le ngut ki CEM da ka liang synchaar UDA neibynta san snem, u Ronnie da ong u wa ki paidbah hi daw bichaar ki neibhah du ha i rukom jied ya u CEM da yoo wa ym em i thmu wow kreh neibynta ki paidbah, tangwa wow pynhun ya ka chuki yong ki.
Da ong u leh wa lada kwah wow synchaar deiwa skem emkaam ka sorkar wa skem, tangwa da yoo heini wa ym man ko kawa skem neibynta ki paidbah, deiwa pynbaad leh wa ini i leh toh wow pynhun ya ki bru ka party ym wow wanrah ya ka Executive Committee kawa khlan.
Chooh chooh da ong u wa i booh por ya u CEM wa du chi snem pynyoo wa lada kreh namo ym kreh u tangwa du chi snem daw chah pynhiar chuki, iwa pynyoo wa ym kreh ko neibynta ki paidbah.
Ha iwi i liang u Ronnie da ong u wa ka party da rai bait ko wow chong ha ka liang pyrchah wow kreh neibynta ki paidbah katkam ka riti synchaar ka ri.
Discussion about this post