Shillong: Hadien i baam smai ki MDC da pynman ya i thap pyrtuid neibynta ka chuki Chief Executive Member (CEM) wa Chairman yong ka Council heiwa ki MDC ka Congress kiwa em ha ka liang pyrchah da randien ki khlem sai kyrtong, iwa da pynman ya ka UDA mynstep u jop suk ko wow synchaar ha KHADC.
Neiliang ka UDA, u Pynshngain N Syiem wa u Teinwell Dkhar da thap pyrtuid ki neibynta ka kaam Chairman wa CEM hakhmat u Secretary ka Legislative.
Na kani ka rai yong ka Congress mynstep ka sngi, u MDC ka UDP na Shella, u Teinwell Dkhar wa u MDC ka NPP na Mawkhar-Pynthorumkhrah, u Pynshngain N Syiem u jop ki khlem yakhun neibynta ki artylli ki chuki wa ha khlieh dooh ka Council, kam u Chief Executive Member (CEM) wa Chairman.
Hawa yaklam wa kiwa pathai khubor u Pynshngain da ong u wa ka UDA da yoh yutip ko wa ka liang pyrchah kawa em du ki MDC ka Congress ym yakhun ko neibynta ki ar chuki neidaw wa duna paaid.
Da sñiawskem u leh wa ka UDA daw jop suk ko ha waroh artylli ki chuki khlem ya tynjooh bor.
Heiyatoh wa i bhah chuki Executive Member ya ki MDC neiliang u Pynshngain da ong u wa yeini daw yoh hadien wa yoh ya u CEM wei hadien ini daw phah yei pyrtuid ki EM cha u Lat wow yoh ya i mynjur. Da kyntait u leh wa daw mih i yaphær hawa e bhah ya ki chuki EM deiwa ong wa yeini waroh daw pynbait ya ki hapyrdi ka RDA wa ka PDA.
Discussion about this post