Pynbaad u Mukul wa emkti u Conrad hei khayi tooh ya u mooyong

Shillong: U heh ka liang pyrchah hapoh jylla, u Dr. Mukul Sangma ynne da beiñ u yei khayi tooh ya u mooyong hapoh jylla deiwa ong wa ki chnat sorkar emkti ki heini wei da pynbaad u wa u montri rangbah ka jylla, u Conrad Sangma leh emkti u heini.

Da ong u wa i rukom krehkaam katni man bait i hapoh pynlai u montri rangbah wei kiwi kiwa emkti wa oo daw booh ki hei eh wa khroo ya ka jylla ha ki snem wow wan.

U Mukul da ong u leh wa ka sorkar da emkti ko wow pynkylla yei yukheiñ wa em u mooyong uwa dadep tih wei yeini iwa da pynkylla thymme da pyntip wot cha ka Supreme Court iwa man iwa yah bakla ya ka yung bichaar wa khlieh dooh ka ri.

“Lada ka sorkar kam ko ya uwa ym em u mooyong hadien wa pynmih hukum ka Supreme Court, heitæ u sdang wot i tih mooyong tooh neibhah da che iyi thmu ki,” da ong u Mukul.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

U Mukul da kdaw u leh ya kawi ka chithi na uwi u bru cha u montri rangbah, ka chithi wa thoh da uwi na East Garo Hills, da pynbaad wa ini i leh toh hapoh i pynlai yong u montri rangbah, heiwa da pynbaad wa u montri rangbah u yaleh u katwa ye wow chah yei tih mooyong tooh.

U Mukul da ong u wa daw rah u yeini ha ka NGT wei ka NGT daw chna ko ya ka Committee heiwa daw phah wow pynsakhiat yeini i kaam waroh.

Da beiñ u leh yei chah kyrriah ki sahep neidaw wow wanrah da ki wow chah u pteiñ kini ki kaam kiwa man pyrchah aiñ deiwa pynrap leh wa ki sahep kam u Commissioner of Transport, ki sahep na ka chnat Directorate of Mining and Geology, ka chnat Police Department, kiwa toh u pait wa kreh ki hukum ka yung bichaar da chah pynkylla lut ki.

Da ong u wa kani ka sorkar daw tympra ko ya ka mynried ka jylla heiwa daw im ko hei kulmar donhi.