Pynbaad u payu u Raja wa chah lute neibhah yei ksiar ym em chem hei metyap

U payu u Raja Raghuvanshi, u Bipen Raghuvanshi da pynbaad bait u pyrchah ya ki ki bru ka jylla Meghalaya wa emkti ki hei yap u diah yong oo heiwa yeiwa dang sah da yoh u taan ynnin ka sngi na synrang wa em hajan ka Wei Sawdong, Sohra.

Hawa yaklam wa ki laad pathai khubor ynne ka sngi, u Bipen Raghuvanshi da ong u wa ini toh i kaam chah lute neibhah nadooh ka sahkti ksiar, u kpieñ ksiar, ki khadu ksiar da wiar ki.

Chooh chooh da ong u wa da phylla wa kammon ya ka Scooty da chem na kawi ka thaw katwa yei metyap won nei thaw wa jngai.

Related posts

E khublei ka Dorbar Chnong Saphai ya u Sniawbhalang Dhar

September 18, 2025

Hapoh ar tayaaw u thooh bniah yei chait i khiah ki kynthai hapoh ka SNSPA

September 18, 2025

Neiliang u Bipen Raghuvanshi da ong u wym kwah u wow chem ya ka Sonam ha i jooh i rukom kamwa chem ya u Raja wei da dawa u na ka sorkar Meghalaya wa toh u phah takit ha ka CBI hajrong ini wa jia.

Kam wow pynkynmoo wa u Raja Raghuvanshi wa ka Sonam Raghuvanshi kiwa na Indore Madhya Pradesh toh kiwa dang dep bia wei da wanke ki cha Sohra ha ka 22 tarik u Naisan wei nadooh ka 23 tarik da wiar ki hadooh wa chem yei metyap ynnin ka 2 tarik yong u Raja katwa ya ka Sonam ym pu em chem.