15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynbaad u PN Syiem wa thmu ka NPP wow pynhaap oo kam u CEM ka KHADC

0 Comments
Advertisement ad1
Advertisement ad1

Shillong: U CEM ka KHADC u PN Syiem da pynbaad u wa kiwa yahkhmat ka NPP hapoh ka jylla da thmu ki wow pynhaap ya ka Executive Committee yong oo hapoh ka Council.

“Da pyntip cha nga da uwi u MDC ka NPP wa da chah pynbor da ki heh ka Party wow soi ya ka chithi wow pynman ya ka Special Session yow pynhaap kam nachwa kam u CEM,” da pyntip u Syiem cha kiwa thoh khubor.

Advertisement ad1
Advertisement ad1

Da ong u leh wa ym em u iwon iwon leh i pyrchah ya ki MDC ka UDP, HSPDP wa Congress neidaw wa ym em iyi iyi leh ka yasoi kular wa ki.

“Da em ki ka kular waka NPP wow kyrchaan ya ka PDA hapoh ka Council yow kyrchaan ya ka PDF ya ka sorkar synrop hapoh ka jylla,” ong u CEM ka KHADC.

Da pynsñiaw u yei sñiaw phylla wa em ki MDC wa kwah wow pynhaap ya oo du neidaw khwan myntoi samen yong ki.

“Ini ym toh ka sien wa nyngong neibhah kut wa chong dorbar ka Council da em bait kiwa kwah u pynhaap ya ka EC wei hadooh katni ym pu em man kaam ko,” ong u PN Syiem.

Hawa kylli won wa hawa boon ki MDC ym em sñiawsuk ki yei leh heh u, da jubab u deiwa ong u wa ym em man i iwa sakhiat neibhah oo kreh u neibynta ka miat ka bha ka Council.

“Em ki por haap chim O ya ki rai wa khor yow pyntikna waka EC man ko kawa skem wei ym jooh em wow luchia O yei rukom krehkaam ki tnat ka Council kiwa man ka kitkhlieh yong ki Executive Member yong ka,” da ban joor u CEM.

Share this:
Previous

Maham ka KSU-RC wow khang ya ka SBI Ranikor Branch

Next

Ka sorkar MDA u neh bait ko hanlada dam ka PDF u kyrchaan ya ka: Prestone Tynsong