Heiyatoh wa ka sngi niaw Vote ya ka Election MDC 2025 ka JHADC kawa daw pynman ha ka 24 tarik uni u bnai, neiliang u SP ka West Jaiñtia Hills da pyntip u wa yow pyntikna wym thut i lai i wan ki kari, da pynbna yei rukom lai rukom wan ki kari iwa daw sdang nadooh 6:00 waje i step.
I rukom pynbait man i kamni:
Daw booh NO ENTRY na laad Thomas Jones Synod College yow khang yei lai cha DC Office.
Daw booh NO ENTRY ha Tpep-Pale yow khang yei lai cha lawmusiang.
Daw booh NO ENTRY ha Mission Compound yow khang yei lai cha lawmusiang/DC Office.
Daw booh NO ENTRY ha le laad H.K. Singh School yow khang yei lai cha DC Office.
Daw booh NO ENTRY ha Dawki Stand yow khang yei lai cha DC Office.
Waroh ki kari wa wan na neiliang Dulong/Tpep-Pale daw hap ki wow lai neiliang u sarok Tpep-Pale Bypass yow mih cha u sarok Thomas Jones College.
Waroh ki kari wa wan na Riatsiatsim daw hap ki wow dong cheiliang Mynthong lyngba u sarok wa lai cha District Library.
Waroh ki kari wa wan na Khimusniang/Jrisaleiñ daw hap ki wow lai na u sarok Chutwakhu.
Waroh ki kari wa wan neiliang New Hill/Shillong daw hap ki wow dong cha Kynrooh Saphlang næ cha u sarok Thomas Jones Synod College.
Ha katai ka 24 tarik, waroh ki 4 tylli ki thaw pynyieñ wa em ha Iawmusiang toh u man ki kiwa thylli nadooh 6:00 waje i step.
Discussion about this post