Pynche ka BJP yei kam wa ieh kaam u President ka District Shillong City Committee

Shillong: Ka BJP Mandal Committee of 17-North Shillong da ong ko waka khubor wa mih u Keith Pariat naka Party kam u President ka BJP District Shillong City Committee man ko kawa bakla.

Ha ka khubor wa phah u General Secretary ka 17-North Shillong Mandal Committee, u Pherbran Chyne da ong u wa u Pariat ymem ksoh u ya ka kyrdan BJP District President.

Hei yatoh won wa i ieh kaam u Wallambok Thangkhiew, u Chyne da pyntip u wa ka Mandal Committee ka 17-North Shillong da kyrriah ko ya oo chirup wa ki Booth Committee Member ha ka 27 tarik u Naikhynde 2017 neidaw ki kaam wa pyrchah ya ka party.

Da pyntip leh wa da phah ya ka Show Cause Notice cha oo da ka BJP District Shillong Committee.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Heijooh i por u President ka Youth Wing ka Party na 17-North Shillong Mandal, u Fairningstone Marbaniang da ong u wa u Raja Jyrwa ym jooh em ksoh u ya ka kyrdaan u Vice-President ka Yuva Morcha hapoh ka 17-North Shillong Mandal Committee.

Ini waroh da mih ki neidaw wa kiwa yahkhmat ka 17-North Shillong Mandal Committee da ong ki wa mih ka khubor wa kiwa kyrchaan ka BJP na 17-North Shillong Mandal Committee da ieh noh ki yei kaam wa kynthup ya u Pariat, Thangkhiew wa u Jyrwa.