Ka Dorbar Chnong Narwan deilang wa ka chnong Sahkai hadien wa da yoh ya ka ujor wa em i chah dat uwi u bru ha ka 26-08-25 ha iwi i thaw wa haap hapoh u pood u ang ka chnong Narwan iwa em hajan ka chnong Sahkai wei kattæ da poor leh ini i Video wa da pharep wa uni u bru toh u chohnoh heiwa da chah dat u hadooh wa da mynsoo ha katai ka sngi wa jia.
Kamtæ da khut yaklam sñiawthooh hapyrdi kiwa yahkhmat chnong wa uni u bru deilang wa kiwa ha-yung yong oo ha Khliehriat Police Station heiwa da chem wa da chah pynbaad bakla u, kamtæ da kyrpaad ya kiwon kiwon kiwa em ya ini i Video wow Delete ki ki kamjooh ya kiwa booh ki ha ki Social Media deiwa maham leh ya kiwon kiwon kiwa pynpoor ya ini i Video nadooh myntu ka sngi wa daw ujor ki cha ki bor yong ka aiñ.
Da pynche paidbah leh wa ha ini i thaw wa jia ini da man i leh i thaw wa ri mrad ki bru wa kynthup ya ki masi ki blang wa kiwi kiwi de wei dang dep jia wa em boon i chah tooh ki mrad dei langær ha ini i thaw.
Hajrong ini, ka dorbar chnong da booh ko leh yei maham ya kiwon kiwon kiwa myllien wow leh ya ki kaam tooh wa daw chah pynchitom ki deiwa khor.
Ya kani ka Wyrta da pynlait da ki ar waheh chnong ka chnong Narwan wa ka chnong Sahkai, East Jaiñtia Hills District.
Discussion about this post