Ynnin ka sngi hadien wa u montri rangbahdooh ka ri, u Narendra Modi da lai pait u ya ki chipai ka Indian Army ha ka General Hospital ki chipai ha Leh, Ladakh da mih won ki bru wa da klam kiwa boh yeini, iwa da pynartatien ya ki paidbah hajrong ini i lai u Modi.
Neiliang ka Indian Army da ong ko wa ini man i iwa bakla wei iwa ymye u pdiang yeiwa kammon da leh (treat) ya ki chipai neibhah da sumaar ya ki da i rukom wa janai bha.
Da pynche leh wa kani ka thaw sumaar toh kam chibynta yong ka Crisis Expansion heiwa da em 100 tylli ki pyllong wei man ko leh chi bhah yong ka General Hospital Complex.
Deiwa bood ya ki kyndon heiyatoh wa u COVID-19 da em ki Ward ka General Hospital wa da pynkylla kam ka Isolation Ward. Kamtæ kani ka kamra (Hall) kawa jooh pynemkaam neibynta ka Training Audio Video Hall da pynkylla ya ka kam ka Ward ka Hospital hadien wa da man ko leh ka thaw wow sumaar ya kiwa yoh COVID-19.
Ya ki chipai wa mynsoo hadien iwa jia ha Galwan da wanrah cha kani ka thaw wow jngai ki na ki thaw sumaar ya kiwa yoh COVID-19.
U Chief of Army Staff, u General MM Naravane wa u Army Commander da wan pait ki ya kiwa mynsoo kiwa chah sumaar ha kani hi ka jooh ka thaw.
