U President ka Bharatiya Janata Party (BJP) Meghalaya, u Bah Mawrie da ong u wa katwa ympu pynman ya i jied ya u National President, ympu ye wow pynman ya i jied president ha kiwi ki jylla.
Ini i klam u Mawrie toh hajrong i pynsñiaw u AL Hek wa emkaam noh ya ka Election wow jied ya u president wa thymme, neibhah katkam ki kyndon ka samoi krehkaam u president ka party man ko du 2 snem.
Neiliang u Mawrie da ong chooh chooh u wa ka samoi krehkaam yong oo kam u president ka party man i 3 snem ymtoh du 2 snem, wei i por yong oo kam u president da kut i.
Tangwa da pynrap u leh deiwa ong ha ka yalang yong ka National Executive Committee kawa da man ha u Duyatra uni u snem, neiliang u Rajnath Singh da pynbna u wow pynyinsur ya ka samoi krehkaam yong u National President ka BJP, u JP Nadda, wei katwa ympu pynman ya i jied ya u National President, ymye wow pynman ya kiwi ki El;ection.
