U Montri sorkar, u James K Sangma da pynche u ya ka bai Helicopter deiwa ong wa da pynemkaam u ka neibynta wow lai wai ya ka 132 KV Sub-Station ha Ampati, South West Garo Hills District.
Da ong u wa ini toh i lai yei kaam sorkar deiwa emlang leh u CMD warim heipor wa oo dang man u kam u Montri ka chnat Bordiñ.
Da pyntip u wa ka Helicopter ym ye ko wow hiar ha itai i thaw neidaw wa joor slap wei da hap ki wow uiñ biang.
Da pyntip u leh wa dang yaklam hajrong ini waka chnat Transport yow pait kammon u pynbait ya ini i kaam.
Kam wow pynkynmoo wa ini wa dep da em ka chithi wa da thoh da u Joint Secretary In-charge Power, u DD Shira cha u MePDCL Director (Distribution) yow pyntip wa da yoh naka chnat Transport ya ka bai pynemkaam Helicopter kawa dapoi T. 20.82 lak heipor wa pynemkaam da u James K Sangma heipor wa man u kam u Montri ka chnat bordiñ.
