Pynche u Prestone yei pyndam u lat ya ka Administrator Rule ha GHADC

Shillong: U montri ka tnat wa pait ya ki kaam ki District Council kawa tip leh kam ka District Council Affairs u Prestone Tynsong da ong u wa ka sorkar ka da phah ko cha ka tnat wa pait ya ki kaam aiñ namo ka Law Department wow pait ya i daw wa u Lat ka jylla, u Banwarilal Purohit da kyntait u wow pynkrehkaam dei yei synchaar Administrator ha Garo Hills Autonomous District Council (GHADC).

Ynne ka sngi hawa yaklam wa kiwa pathai khubor u Tynsong da ong u wa ka sorkar hadien wa yoh ko ya ka chithi na u lat da phah ko ya ka cha ka Law Department wow sylli bniah ya kani ka kot  wei hadien ini daw chong bichaar ka dhab ki montri hei yatoh wa ini heiwa da kyntait u leh wow klam iwon iwon palat bar yeini.

Ka sorkar jylla da rai ko wow pyndam yei synchaar Administrator Rule ha 15 Naiynru hadien wa da pynkrehkaam ya ka Administrator Rule ha ka 5 Naitung (April) ha Garo Hills Autonomous District Council (GHADC), tangwa i wym mynjur u lat wow pynsangeh yeini hadooh katni.

Yei synchaar Administrator ha GHADC da pynkrehkaam hadien wa mih i awri awra hapoh ka Executive Committe wa yahkhmat da ka NPP kawa da piah da pra hadien wa iehkaam u CEM.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heiyatoh wa i dawa ki MDC ka liang pyrchah ha KHADC wow tuklar yei leh embor u Chairman wa ka Executive Committee wa yahkhmat da ka PDF, neiliang u montri da ong u wa dang bichaar yeini waroh.