Tura: U Montri Rangbah da ong u wa ki bru wa em hi hapoh ka jylla ymtoh kiwa myllien u seiñ khih kamtæ emkaam ki ya i chdooh kti yow pynchlur ya ki khmtam ya ki khynroo khyllood yow ye ki u yieñ hei kjat yong ki hi wei emkaam u pynman ya ka esikai ya ki wow sdang ki ya ki kaam yong ki hi.
Yeini da ong u Montri Rangbah ha ka yalang wa tip kam ka Youth Entrepreneurship & Business Development wa pynman ha Tura Government College ynne ka sngi heiwa da wan emlang kiwa boon kiwa puræ ha ki College kamjooh leh ha ki Higher Secondary School.
Da ong u leh wa i thong ha ka imlang sahlang toh wow pynman ya uwi pa uwi wow em i kitkhlieh ha ka imlang sahlang wei ya ki khynroo khyllood emkaam u tip ki yei sap yong ki yow ye ki u jied da ka luti wa biang yow lait u sepai i por yong ki.
Chooh chooh da ong u wa em ki chnong ki thaw man ki kiwa stat bha u khih wei ya kam kini, ka sorkar leh suk bha ko wow yarap ya ki tangwa kiwa boon hi toh ym em ki yei mynsien wow sdang dei yong ki hi i kreh kamtæ man ko kawa eh ya ka sorkar pynkylla ko ya ini rukom pyrkhat yong ki.
Kamtæ da pynchlur u ya kiwa boon kiwa lai cha khmat kiwa hoi khih wow yachemlang ki yow yarap ya ki khynroo khyllood deiwa yahluti ya ki wow seiñ khih.
Da ong u leh boon da mih ki na ki chnong yong ki wow thooh kreh cha sor neibhah ym yoo ki ya ka kabu wa em pyn ha chnong yong ki wow seiñ khih. Da e nongmuna u deiwa ong wa ha ri-loom Garo slem u pyndep ya kiwa boon ki kaam neibhah duna ki Contractor wa kiwi kiwa emkaam ka sorkar.
Discussion about this post