Ka sorkar Manipur ynne da pyndam ko ya ka Internet ha Ukhrul District neibynta san sngi kam wow yada nei poor i awri hadien wa mih i chah thang ki yung wa ki kari ha kylleiñ ka District ynne i step.
Ya ini da leh hadien wa kyrpaad u District Magistrate ka Ukhrul, u Ashish Das wa emkaam wow pyndam ya ka Internet neidaw wa joor i awri wei synjor i chong chngaaiñ heiwa ya ka chithi da phah cha u Commissioner (Home), Government of Manipur, deiwa ong wa lada ymye u khang daw poor ki khubor thok cha kylleiñ.
Hajrong ini, ka Home Department da phah pyndam ko ya waroh ki Internet wa Data Service, Broadband, VPN wa VSAT, ha waroh ka Ukhrul District neibynta san sngi nadooh ynne i step 11:30.
Ya ka hukum da pynmih katkam ka Rule 3 ka Temporary Suspension of Telecommunication Services Rules, 2024.
Discussion about this post