Shillong: U MLA ka Mawhati uwa da chah pynbaad wa da slaitbor u ya kawi ka khynnah khian da chah pyndooh noh u kam uwi na ki dkhot ka Privilege Committee ka Yungdorbar chna aiñ kamjooh leh naka Committee on Subordinate Legislation ka Assembly.
U Maitphang ka Yungdorbar, u Abu Taher Mondal hawa klam u wa kiwa pathai khubor ynne ka sngi da ong u wa ya u Julius K Dorphang da pyndooh ya oo nadooh nachwa kam u Chairman ka Committee on Scheduled Caste and Scheduled Tribe hadien wa da pynngat mukotduma ya oo ya ki kaam wa emkti u.
Katkam wa ong u Maitphang, da pyndooh ya oo kam u dkhot ka Privilege Committee wa ka Subrodinate Committee man ko kamwa jooh leh man ki por heiwa da pynthymme ya ki dkhot man u snem ha u Naiynñiaw wei da mylliñ wow pyndam noh yei pyrtuid yong oo tangwa ynnin ka 13 tarik da pyndooh lut yei pyrtuid yong oo na waroh ki Committee ka Assembly.
Ini i pyndooh noh ya u MLA ka Mawhati na kini ki committee man ko leh chibynta hadien wa da mih pyrthai ha ki khubor kamjooh hadien wa ki seiñ waphær waphær wa kynthup ya ka CSWO, ka TUR, Impulse NGO, KHNAM wa kiwi da e dorkhat ki wow pyndam noh ya u Dorphang kam u dkhot na kini ki Committee neidaw wa dang bichaar ya oo katkam ka aiñ ya ki kaam wa emkti u.
Hei yatoh won wei emhok u Julius wow jied President ka Ri India, neiliang Mondal da ong u wa kani chong ko ha ka bor yong ka Election Commission neibhah hadooh katni dang em u ha patok.
Also Read: Pyrchah joor ka MSCCR yei thung ya u Julius Dorphang hapoh ka Privilege Committee
Discussion about this post