Ka Passing Out Parade ka 5th Basic Course yong ki 239 ngut ki Guardsman and Equivalent Ranks hapoh ka Civil Defence and Home Guards Department da pynman ka ynnin ka sngi ha Parade Ground, Civil Defence & Home Guards Complex, Mawdiangdiang, Shillong.
Da wan wow emlang wa u Minister ka Civil Defence & Home Guards, u Brening A. Sangma kam u kongsan wei da sakhi u leh ya ka Oath Taking Ceremony ya kini kiwa dang man kam ki Guardsman & Equivalent Ranks.
U Minister hawa e yei klam da e khublei u ya waroh kiwa da ye wow pyndep yei Training ki deiwa kyntu ya ki wow em yei kitkhlieh manda kreh ki deiwa ong wa ki em ki ka bynta wa kongsan bha deilang ki bru ka State Disaster Response Force (SDRF) kiwa man kam kiwa nyngkong dooh wow wan e yarap hawa jia iwon iwon i wym poipyrkhat.
U Vijay Kumar Mantri, IAS, Commissioner & Secretary of Civil Defence & Home Guards Department da pyntip u wa ki 708 tylli ki Permanent Post ha ka Border Wing Home Battalions da bhah ki ha ki ar Battalions ka State Disaster Response Force (SDRF) khlem da chah ktah ka sorkar yei su i tda wei da ini da em ki bru kiwa kyrpang du neibynta ka State Disaster Response Force (SDRF) wei da pynman ya ka Border Wing Home Guards Battalion kam ka Semi-Voluntary Organization katkam wa phah da ka Ministry of Home Affairs (MHA) ka sorkar India. Wei deiwa leh kamni, ka sorkar jylla daw ye ko wow paan ya ka poisa na ka sorkar pyrdi neibynta i bai pynlut ya ka Border Wing Home Guards Battalion.
Da pynkynmoo u wa ha Rozgar Mela wa da pynman ynnin u snem, da saam 445 tylli ki chithi thung kreh hapoh ka Civil Defence and Home Guards Department wei yeini da ye wow leh khlem iwon iwon i thut.
Ha kani ka sngi, u Shillong Fourbornson Wahlang da yoh u yei naam Overall Best Award wa ka Award neibynta ki CD Subjects. U Yoolanki Khongiong da jop u ya ka Indoor wa ka HG Subjects. Ka Outdoor Award da lai ko cha u Wesper Langbang katwa ka Graceeduce Suchiang da yoh ko yei naam Exemplary Conduct.
U Mackiour Ch. Momin da yoh u ya ka PT Award, u Raymond Pynshai Lyngwa da yoh u ya ka Weapons Training Award katwa ya ka Drill Award da yoh da u Sankirangbah Suchiang wa u Bankerlang Rani.
Kiwa pyndep ya ka Training ha DTC Jowai da yoh ki 6 tylli ki jait Award heiwa u Kamnibait Phyllei da yoh u ya ka Overall Best Performer na waroh. U Sengseng D Sangma da yoh u ya ka Award neibynta ki CD Subjects, u Poibiang Lamare neibynta ki HG Subjects. Ha ka Athletic wa Technical Disciplines da yoh u Astin D Sangma ya ka PT Award, u Chatarly Tyngkan ya ka Award katwa u Mebanjop Kurbah da yoh u ya ka Award neibynta ka Weapons Training.
Discussion about this post