Pynemkaam bakla ka Q.C. Springside HS School ya i thaw sorkar: HITO Jowai Circle

Ka HITO Jowai Circle hadien wa yoh ujor na ki paidbah, da lai yachem ko ya ka District Mission Coordinator (DMC) ka SSA West Jaiñtia Hills wow dawa lai pait lai sylli ya ki skur wa yoh myntoi na ka Scheme SSA hapoh u Naisaphra 2024 heiwa da chem leh ya kawi ka skur ki bru samen wa yoh u pynemkaam ya ka yung wa da chna hapoh ka SSA.

Ka seiñ da ong ko wa ini wadep da yoh ujor wei pynbaad wa ka Q.C. Springside Higher Secondary School, Mynthong, Jowai da pynemkaam bakla ko ya i thaw ka DMC heiwa ha i yung yong ka SSA da pynemkaam kam ki Class neibynta ki khynnah Higher Secondary School wa ka Hostel kani ka skur nadooh u snem 2000.

Ka seiñ da ong ko leh wa ini i pynemkaam bakla man i chibynta i baam tooh na ka DMC, West Jaiñtia Hills neibhah ka SSA toh u man ko neibynta ki khynnah wa dooh wa duk tangwa kani ka skur da man ko ka skur ki bru samen.

Related posts

E por ka JNC ar bnai ya ka PHE wow pynpoi um cha ki chnong wa dadep pynkreh ya ka Scheme JJM

April 17, 2026

Tyrrah ka lieñsuiñ ka SpiceJet wa ka Akasa Air | Chah pyndam ki Pilot  

April 17, 2026

Hajrong ini neiliang ka seiñ da dawa ko wow chimkhia wut-wut pyrchah ya ini i baam tooh wa i pynemkaam bakla yei hok ki paidbah.

Chooh chooh da dawa wow pynchitom ya ki bru wa emkti katkam ki kyndon ka aiñ.