U Montri Rangbah ka jylla, u Conrad K Sangma ynne da pynhaap pyrda u ya ka lympung 83rd National Table Tennis Championships ha SAI Centre, NEHU heiwa da pynsñiaw u yei mynsien wa khia hajrong i khlaad noh u Vishwa Deenadayalan, ha i jia tyrrah kari heipor wa wan u cha Shillong wow chimbynta ha kani ka lympung.
Da e khublei u leh ya kiwa pynman ya kani ka lympung ha nongbah Shillong deiwa ong wa ki kaam yalehke Sports man ki ka bynta wa khroo bha ya ki khynnah khynroo khyllood.
Da ban joor u yei emkaam wow man kiwa yakrehlang wa kiwa yatylli wow poi ha ka thong i jop.
Chooh chooh da pynsñiaw u yei mynsien wa kmen wa da ye u pynman ya kani ka lympung National Table Tennis Championships heipor wa ka jylla lehkmen ko yei dap sanphaw snem namo ka Golden Jubilee ka jylla.
U Conrad da pyntip u leh wa em chiboon ki kaam wa da pynkhreh ka sorkar neibynta i lehkmen dap sanphaw snem ka jylla i wow yarap wow kynrong ya ki kaam yalehke, i put i tem wa kiwi ki sap wa em ki khynroo khyllood ka jylla.
Ha kani ka sngi da saam leh ya ki khusnaam cha kiwa jop ha ki kyrdan waphær waphær yong kani ka lympung.
