Pynkhreh ka sorkar wow phah ya ki phang cha ka MHA hajrong i pynkylla ya ka Sixth Scheduled

Shillong: Ka dhab ki montri ka sorkar MDA ynne da phyllu yumut ki hajrong i thmu wow pynkylla ya ka Sixth Schedule ya kawa da e yumut da u montri ka Committee wa da khlieh da u montri ka District Council Affairs (DCA), u James K Sangma khnang wow ye won u yaklam wa ka Parliamentary Standing Committee kamjooh wa ka sorkar pyrdi.

Hawa yaklam wa u montri rangbah ka jylla, u Conrad K Sangma da ong u wa dang ha ka tayaw wa dadep da yachem u wa u montri ka kaam pohyung ka ri (Ministry of Home Affairs), u Amit Shah heiwa da batai bniah ya i sñiaw ki seiñ waphær waphær ka jylla hajrong i pynkylla ya ka Sixth Schedule.

U Conrad da ong u wa ka chnat kaam pohyung ka sorkar pyrdi da paan jubab ko hajrong ki 15 tylli ki phang wa da wanrah da ka Committee hajrong ini i pynkylla heiwa ka sorkar jylla da pynkhreh ko wow jubab cha ka chnat.

Da paan jubab hajrong i sñiaw ka sorkar hajrong i yut seiñ ha ki ADC, ki District Planning Committee, ki bhah ya ki MDC, i pynkylla ya ki ADC, ka rukom krehkaam ki ADC, i yarap poisa wa kiwi kiwi.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Hajrong ki jaitbru ri-loom ki wymtoh na kani ka jylla namo ki Unrepresented Tribes, u Conrad da ong u wa ka sorkar da yaklam bha ko hajrong kani ka phang wei emkaam u pyrkhat bha leh chwa wow e laad ya kiwi ki jaitbru ri-loom wow yakhun ki kam ki MDC, tangwa ya ka kyntien Unrepresented Tribes toh u pyndam noh ha ini i pynkylla.