theme-sticky-logo-alt
theme-logo-alt
Advertisement ad1

Pynkrehkaam ka sorkar ya ki kyndon aiñ wow yoh dan na ki kaam yakhle

Ka yalang ki Montri ka sorkar jylla namo ka Cabinet ynne ka sngi da wanrah ko ya ka Meghalaya Regulation of Gaming Rules, 2021 namo ki kyndon krehkaam ka aiñ Meghalaya Regulation of Gaming Act, 2021 wa da pynman aiñ ha ka 26-03-2021.

Neiliang u Montri ka chnat Aiñ ka jylla, u James K. Sangma da ong u wa i pynkrehkaam ya kini ki kyndon daw pynkupbor ya ka sorkar ym du wow yoh dan ko na ki kaam yalehke (yakhle) na ki Online wa Offline wei kamjooh leh wow booh kyndon ya i rukom pynkrehkaam ya ki jait yalehke hapoh ka jylla.

Da ong u wa ya ki kyndon krehkaam kiwa da dep pynkhreh da wanrah ha kani ka yalang ki Montri wei deiwa pynkrehkaam ya ki daw ye u yoh nong bha ka sorkar kamwa man ha Goa wa Sikkim.

Da pyntip u leh wa kawi ka License chi snem u chongdor ko T. 2 klur wei ka poisa wa mih namo ka Gross Gaming Revenue daw hap leh wow su bhah cha ka sorkar.

U James da pyntip u leh wa da wanrah leh ya i tyrwa pynkylla (Amendment) ya ka aiñ Meghalaya Compulsory Registration of Marriage Act, 2012.

Heiwa da ong u wa i pynkylla u wan i ha ka Section 3 yong kani ka aiñ heiyatoh wa i batai ya ki kyntien “Official Purpose” heiwa i batai ym mut i du ha ki kaam wa yatoh wa ka sorkar tangwa u kynthup i wot ha ki kaam samen leh.

“Emkaam wow pynyaar ya i rukom sñiawthooh ya ini i kyntien wow kynthup ya waroh ki bru hapoh kani ka aiñ,” da ong u James.

Share this:
Previous

Ka sorkar toh u chah ko wow lehkmen Christmas deiwa laitlooid: Congress

Next

I pynslem ka sorkar ya i takit chah siat u Cherishterfied toh i thmu wow pynmylliñ: Process