Ynnin ka sngi ka Ephatha Society ka seiñ kawa pait wa kdup ya ki bru wa man kyrpang (Differently Abled Person) da yoh ko u pynkup burom ya ki 15 ngut ki khynnah wa wan chah hikai ha kani ka chlem e sikai ka seiñ wa tip kam ka Ephatha Inclusive Vocational Training Centre.
Napyrdi kini 15 ngut, 3 ngut toh kiwa man kyrpang (Differently Abled) wei hachwa u saam ya ki Certificate ryngkat waka song yarap ya ki 3 ngut kiwa man kyrpang, da pynman yaka yalang wa tbian ya kawa da pynlai da u Director kani ka thaw sikai deiwa emlang leh kiwa ha-yung yong ki khynnah, deilang wa kiwa kitkaam ka Ephatha Society kamjooh u Hame Dkhar uwa man kam uwa chah khut burom (Honorary Guest) yong kani ka yalang.
Hawa klam ha kani ka yalang, u Hame Dkhar da yaroh u ya kiwa pynlai kani ka Inclusive Vocational Training Centre wa yoh ki yei mynsien wyrai, i mynsien yarap ya ki bru kiwa kyrpang kamjooh ya kiwa chong chnong ka East Jaiñtia kiwa wan chah hikai ha kani ka chlem.
Da yaroh u leh ya ki manbei manpa yong kini ki khynnah wa da yaleh chitom ki u yah ya ki khon yong ki man ka Sngi Chohthat cha kani ka thaw sikai najrong wa da yah ki yaki man-ka-sngi cha ki skur wa puræ ki, wei da ong chooh chooh u wa deiwa tip ki khon u tem u rwai, yarap ko yaka mynried mynkawi yong ki yoh u lait ki na i sih i roi wa boonjait.
Ha kani ka sngi da saam yaki Certificate cha ki 12 ngut ki khynnah wa wan chah hikai ha kani ka thaw, kamjooh cha ki 3 ngut kiwa man kyrpang (Differently Abled) deilang waka song yarap ya kini ki 3 ngut.
Hawa pynwai ya kani ka yalang da yoh ya i ngooh Blai na u Jasper L Pyrtuh.
Discussion about this post