Pynkup burom ka KKC ka Loomkyrwiang ya ki waheh wasian wa jooh embynta ha ka lehke drama

Jowai: Ka Khynroo Khyllood Committee ka dong Loomkyrwiang dei sñiawkhia da pynkyrpang ko ya kani ka Baamphlar ha uni u snem deiwa pynkup burom ya ki waheh wasian, manbei manpa kiwa jooh ya em bynta ha i lehke drama kawa man ka dak i sñiawngooh wei sñiaw Makhane yei kitkhia yong ki hei wow pynneh pynsah ya kani ka rukom-dustur kawa ki warim waheh nachwa da tyoor luti ki.

Ya kani ka program pynkup burom da pynman ha ka sngi Baamdoh i janmiet heiwa u Andrew Chullai, MDC JHADC da wan u wow ya emlang kam u kongsan hapyrdi i emlang u waheh chnong, u Hamewan Laloo, General Secretary, Lammat-O Laloo wa kiwi kiwi ki waheh wasian.

U Chibor Najiar, kam uwi na kiwa yahkhmat hapoh ka dong ka chnat hei e ya ki kyntien hajrong ka phong yong kani ka janmiet da yaroh u ya ka Khynroo-Khyllood Committee kawa da chynna jngai hei wow leh ya kani ka bynta wa emkaam tam chooh chooh dei sñiawkhia da kdar u leh wow khana pynsñiaw yei parom wa tbian chaphang i long i man ka dong ka chnat wa ya ki waheh wasian, manbei manpa kiwa da seiñ da sdang yow loom u pdeiñ kamjooh ya kani ka rukom-dustur.

Kheiñ kyllumlang waroh kiwa da chim u pynkup burom ha kani ka janmiet em ki hadooh 30 ngut heiwa ki manbei em ki hadooh 17 ngut katwa ki manpa wan em ki kamwa 13 ngut.

Related posts

Khut sñiawbha ka Raij Barato cha ka Lehniam Pastieh

March 2, 2026

Nadooh i chna mot sahnaam ya ki khlawait ka kur hadooh i yait nei pynklla kur da yaklam ha ka yachemlang ka Kur Iawchibidi  

March 1, 2026

U Andrew Shullai kam u kongsan yong kani ka janmiet hawa e ya ki kyntien, da yaroh u ya ka Khynroo-Khyllood Committee kawa da chim ya ka yukit wa khia hei wow pynman ya ki program waphær waphær hapoh ka dong ka chnat wei da kitbok kitrwiang u leh yow nang yoh ka dong ka chnat yei roi i paar ha waroh ki liang.