Ka KSU Lejri Unit ha ka 20 tarik uni u bnai da yoh kow wow pynkup burom ya kiwa lai puræ puthi ka chnong Lejri kiwa da lehbha kiwa em 10 ngut da ka “1ST Mait Shaphrang Academic Award 2024”.
Kini toh kiwa lehbha ha ka SSLC, HSSLC wa Degree wei da pynkup burom ya ki kam chibynta wow pynchlur ya ki wow nang lai ki chakhmat hei puræ puthi.
Ha kani ka sngi, u Shaniahskhem Dkhar, Finance Secretary KSU EJHDU da man u kam u kongsan uwa da kyntu wei pynchlur ya ki khynnah, ki khynroo khyllood wow minot ki wei ymtoh wow kynrandien, wow man kiwa lehkhian, kiwa yaichah wei kiwa kohngooh yei sneiñ ki bei ki pa.
Ha kani ka sngi da pynkup burom leh ya ki le ngut kiwa e dawai dei stat tynre kiwa man leh kam kiwa pynchait pynkhiah:
Ka Rina Lamin kawa pynkha khon, u Stone Khongïong uwa sumaar ya kiwa kheiñ chyieñ wa kiwi ki jait kjut wa u Kil Langshiang uwa sumaar ya kiwa chah pooh pseiñ.
Discussion about this post