Pynkup burom ka NPYF ka NPP Nartiang ya ki 41 ngut kiwa lehbha ha ka SSLC wa HSSLC

Ka National People’s Youth Front (NPYF) ka 1-Nartiang Constituency da pynman ko ya ka yalang wa kyrpang wow pynkup burom wei wow pynchlur ya ki khynnah skur kiwa da wanrah naam ha ka puræ puthi ha ka yalang wa da pynman ha ka 4 tarik uni u bnai ha Dorbar Hall ka chnong Ummulong.

Waroh kiwa da chah pynkup burom da em ki 41 ngut ki khynnah na kylleiñ ki chnong hapoh ka 1-Nartiang Constituency kiwa da lehbha ha ka Exam SSLC wa HSSLC wa dang dep yow e mynsien wei heijooh i por wow pynchlur kyntu ya kiwi ki khynroo khyllood wow kreh chitom ki ha ka puræ puthi.

Ha kani ka sngi da emlang wa u Wailadmiki Shylla, MLA ka Jowai, u Thombor Shiwat, CEM ka JHADC deilang ki MDC wa kynthup ya u Jesse Suiam wa u Reformingson Lamare chirup ki waheh wasian wa ki paidbah na kylleiñ ka Constituency.

Neiliang kiwa mihkhmat paidbah da e yaroh ki ya ki khon khynroo khyllood kiwa dapoi chakhmat deiwa kyntu leh ya ki wow nang kreh chitom ki.

Related posts

Khut u Modi ya ki skurbah ka Germany wow sdang ya ki Campus hapoh India

January 12, 2026

Chah pyndam ka jamin ki 7 ngut deilang u waheh chnong heiyatoh wa i yap uwi nei chah dat

January 12, 2026

Da e yaroh ki leh ya ka NPYF yeiwa pynman ki ya kani ka pynkup burom yow pynku ya ka puræ puthi deilang yow bha u miat ka mynried ki khon khynroo khyllood.

Ya ka yalang da pynkut dei sñiawkmen wa i kular wa kam ka Youth Wing yong ka NPP wow pteiñ yei e kyrchaan ya ki khynroo khyllood wa lai puræ ka thaaiñ.

Kiwa chah pynkup burom da yoh ki da ki Momento, ki kot, ka Sash wa u khulom.