15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Wai ka sorkar yaka yaw Lay-By ha Ialong khlem da yoh bor na ka JHADC: Winning Sungoh

Advertisement ad1
Advertisement ad1
Advertisement ad1

Ynne ka sngi u Executive Member ka JHADC wa pait ya ka chnat Trade, u Winning G Sungoh da ong u wa i leh ka sorkar jylla heiyatoh wa i chna ya ki yaw man i iwa ymye u pdiang neibhah wa da lailait ko ya ka Council kawa emhok wow pait ya ki yaw ki haat namo Market katkam ka riti synchaar ka ri. 

Kam wow pynkynmoo heini, ynnin ka sngi u montri ki kaam rep ka jylla, u Banteidor Lyngdoh heipor wa wan wai u ya ka Lay-by Market kawa em ha Ialong da pyntip u wa ka sorkar jylla neini daw chna ko sa ya kawi ka yaw hapoh ka West Jaiñtia Hills. 

Neiliang u Winning da ong u wa i chna ya kani ka Lay-By Market ha Ialong toh iwa khlem yohbor na ka Council wei ka sorkar jylla ym em de u burom næ kheiñkor ko ya ki aiñ nadooh ka Riti Synchaar hadooh ki aiñ ka Council kam ka JHADC (Management and Control of Market Regulation) Act 1975.

Da ong u wa kam uwi na ki dkhot ka Council da sñiawkhia u yeini wei da kyrpaad u leh ya ka sorkar wow burom ko ya ka District Council wei lada em iwon iwon i bynta wa yatoh wa ka Council toh u em i sñiawthooh yumut hapyrdi yong ki neibhah khlem itæ daw pyntlot bor chooh chooh i ya ka Council.

Chooh chooh da ong u wa ym em iwon iwon i pyrchah lada ka sorkar jylla kwah ko wow chna ya ki yaw tangwa emkaam wow lai da ka luti wei wow yarap wow chna pyndep ya ka Iawmusiang kiwa dang sahteiñ da ki boon snem. 

Da ong u leh wa neini daw thoh cha ka sorkar heiyatoh wa ini katkam wa da pynkupbor da ka Riti Synchaar ka ri. 

Share this:
Previous

Pynkup burom u DGP ya ki 50 ngut ki pulit ka Meghalaya

Next

Booh kyndon ka Khimusniang ya ki paidbah wow bood ki