Pynkylla ka sorkar India ya ka aiñ wow yada ya ki kynthai khamtam ki khynnah

Jowai: Ka sorkar India ynne ka sngi da pynkylla ko ya ki kattu katni ki kyndon aiñ yow pynchitom joor ya kiwa leh ya ki kaam wa man pyrchah ya ki kynthai.

Lyngba ka Criminal Law Amendment Ordinance, 2018 da pynkylla ya ki kyndon ka Indian Penal Code, Code of Criminal Procedure, Indian Evidence Act waka Protection of Children from Sexual Offences Act.

Ki kattu katni ki kyndon wa thymme man ki kamni ha wah:

• 10 snem toh iwa duna dooh wow kset ya kiwa slaitbor.
• 20 snem iwa duna dooh wow pynchitom ya kiwa slaitbor ya ki kynthai wa em hapoh 16 snem.
• 20 snem i pynchitom wa joor bha wei ye leh u tynyap wei wow kset chi rta ya kiwa slaitbor ya ki kynthai wa em hapoh 12 snem i rta.
• Ka kuna wa haap su kiwa leh ya ki kaam pyrchah ya ki kynthai toh u man leh wow su ya ka bai lutsan wow sumaar ya kiwa chah ktah.
• Ka takit ki pulit heiyatoh waka kaam slaitbor toh u pyndep hapoh ar bnai.
• Ym e jamin ya kiwa slaitbor ya ki kynthai kiwa hapoh 16 snem i rta

Heiyatoh waka IPC da pynkylla ya kini ki kyndon ha wah:

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

• Section 376 IPC: 10 snem u kset ya kiwa slaitbor heiwa nachwa man ko 7 snem wei ye leh u kset waroh chi rta.
• Ha ka Section 376: da booh wa kawi ka kyndon (Clause 3) heiwa u pynchitom ym duna ya ka 20 snem ya kiwa slaitbor ya ka kynthai wa em hapoh 16 snem.
• Da booh leh kawi ka kyndon (Section) 376AB wow pynchitom 20 snem heiwa joor ya kiwa slaitbor ya ki kynthai hapoh 12 snem wei ye leh u tynyap ya ki.
• Ka kyndon 376DA wa 376DB da pynkylla heiwa ya kiwa slaitbor wa ki lok ki jor ya ki kynthai wa duna 16 snem wa 12 snem toh u kset patok chi rta wei ye leh u tynyap ya ki.
• Ha ka kyndon 376 (2) (a) ki pulit wa emkti wow slaitbor ya ki kynthai u kset ya ki 10 snem deiwa pynchitom joor.

Heiyatoh won waka CrPC da pynkylla kamni ha wah:

• I takit ya waroh ki kaam slaitbor toh u pyndep hapoh 3 bnai nadooh wa ujor (FIR).
• Hapoh 6 bnai toh u pyndep u chong bichaar ya waroh ki mukotduma ya ki kaam slaitbor.
• Ym e jamin ya kiwa slaitbor ya ki kynthai wa hapoh 16 snem.

I pynkylla ya ka aiñ POCSO Act waka Evidence Act man ki kamni hawah:

• Ka kyndon 42 ka aiñ POCSO Act da pynkylla wow thap ya ki kyndon thymme ka IPC ka 376AB, 376DA waka kyndon 376DB.
• Ha ka aiñ Evidence Act da pynkylla ya ka kyndon 146 wow thap ya ki kyndon ka IPC ka 376AB, 376AD waka 376DB.