Pynkylla ka sorkar ya ka hukum, da chah u wai dukan hadooh 11:30 du neibynta ki le thaw

Ka sorkar hadien wa da pait bniah yei long i man ha ka jylla wei khamtam ha nongbah Shillong, da rai wow pynneh ya ka hukum wa da pynmih da ka Deputy Commissioner yong ka East Khasi Hills, tangwa ya kani ka hukum da pynmih thymme deiwa pynkylla kajiak .

Hawa yaklam wa kiwa thoh khubor, neiliang u Symbood Montri Rangbah uwa pait leh ya ki Kaam Pohyung (Police), u Prestone Tynsong da ong u wa kamwa man katni, ka aiñ ka kanun wa ka suk ka saiñ biang i, wot hadien wa da mih kattu katni i jia ha ki tayaaw wa da dep.

Ynne ka sngi neiliang u Preston da khut u ya ka yalang wa jhan wa ki heh sorkar, ki heh pulit wa kamjooh ka Deputy Commissioner yow pait bniah yei long i man yong ka aiñ ka kanun wa i suk i saiñ.

Da ong u wa ka hukum wa da pynmih da ka DC wow pynkrehkaam da ka kyndon Section 144 CrPC u neh ko, tangwa u pynkylla noh yei por khang cha ka 11: 30 i miet heithaw 10:00 waje i miet wei ini u man ko leh du ha ki 3 tylli ki thaw.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Da khana u wa ka sorkar da jied ko ya 3 tylli ki thaw wa hap wow pynkhlan yei uiñ sonteri ki pulit wei kini ki thaw toh ha Khyndailad, nadooh Assembly Hotel hadooh City Hut Dhaba wa cha ka luti Nan Polok wa Quinton Road chadooh Marriot Hotel. Da ong u wa kiwi won ki thaw kiwa hap wow pynkhlan yei uiñ sonteri toh ha tymbood u sarok ha Polo wa Urkaliar, wei ha kitai ki thaw daw booh boon chooh chooh ki Street Light.

Kamtæ ka hukum thymme u krehkaam ko nadooh 11:30 i miet heiwa waroh ki jait dukan kamjooh kiwa dai baam cha rood sarok hap khang noh ki kiwa em nadooh Hotel Assembly Point hadooh Nan Polok lynga u sarok Oakland Road. Ha waroh kawi ka Polo Hills. Ha Urkaliar, ha Quinton Road wa nadooh Eee Cee Restaurant hadooh Jail Road Petrol Pump. Ini u krehkaam i nadooh myntu ka 13 tarik. Katwa ka hukum warim kawa phah khang hapoh 10:00 waje i miet ha waroh kawi ka Shillong man ko kawa da pyndam.

Ha iwi won i liang heiyatoh wa i pynkrehkaam ya ki Odd wa Even Number neibynta ki kari kamai, neiliang u Symbood Montri Ranhbah da ong u wa ka sorkar da rai ko wa kani ka hukum u phah sangeh chwa wei ka sorkar daw bichaar biang ko kammon u leh neibynta i bha i biang lang yong waroh kiwa chong chnong.