Pynkyntang Ka Dorbar Niam ya ki Wasan ha Raij Jowai

Ka Dorbar Ñiam ki khon ka Raij Jowai, ha ka sngi Mulong 26 tarik uni u bnai hei yahkhmat u Puramon Kynjing kam u Dolloi wa man u khlieh ka niam khlieh ka Elaka Jowai chirup i sakhilang ki Kñi yong ki Phra Kur Phra Kmai, ki waheh wasian ka Seiñraij wa kiwa ha-yung ha-sem yong ki Wasan, ha Yung Langdoh Ri Blai da pyndep ya ka lehniam Pynkyntang ya ki soo ngut ki Wasan neibynta wow biang u toh u tne ki Chakri Ñiam ka Raij katkam ki hukum adong u Trekirot.

Ki Wasan kiwa da yoh yeini i pynskem pynkyntang toh u Damanha O Rngad, Sangot Pasubon, u Heinar Rngad, Maji ka Bon, u Sajarmitre Shullai, Chutia wa u Sajeki Laloo, Dhulia.  

Ha ka yalang wa da pynlai da u Raymond Nartiang, Pator ka Raij Jowai katkam ka rukom dustur wa da pynjooh sikai, u Dolloi wa u Langdoh em ki ka bynta wa khroo wow leh u pyndep neibynta i burom kini ki Wasan kiwa da kop u kit u bah ya ka lyngkor kam ki chakri ñiam hapoh ka Raij ka chnong.

Ki sarin yong kani ka lehniam Pynskem Pynkyntang ya ki Wasan toh i e kti yow tylli i kyntien wei pynkup pyndaiñ ya ka Phali ka Yuspong da u Langdoh cha ki Wasan neitæ won pynbood i e kti u Dolloi yow Dieñsynchaar uwa da chim da daiñ nei thaw wa em ka Duwan u Moosmai.

Related posts

Em ka aiñ wa khor lada em kiwa phah thied kiad thied sikret ha ki khynnah

June 26, 2025

Dawa ka Jaiñtia Joint Action Committee on Border Issue wow booh Police Outpost ha chnong Lapangap

June 26, 2025

Chooh chooh u Dolloi neibynta i burom ki Wasan kamjooh ka yung ka sem, ka kur ka jait, ka Raij ka chnong hakhmat ka Duwan u Trekirot ki Blai ki Syiem, lyngba u longsuit longchoor, i pyrnah i pyrjin wa da e na ka kti yong ki Kñi, yieñ u ka pynap blai pynap syiem yoh u biang u toh ka niam ka rukom kamjooh yow yoh ka yung ka sem, ka kur ka jait, ka chnong ka raij dei miat i bha ha ki por ki sngi wa chakhmat.

Khaddooh chwa wow poi cha ka bynta wa kut yong kani ka lehniam, neiliang u Wh. Biangmon Lato, Kñi Kur Lato wa u Wh. O.H.Toi, President Seiñraij Jowai yieñ ki wow e i kitbok kitrwiang, ki kyntien e mynsien, i sneiñ i kroo wei kyrsu kyntu leh ya waroh ki chakri niam ka Raij wow man kiwa chakri hok ya ka Ñiam wei pyndep hok yei kaamram deiwa tipbru tipblai khnang yow man i burom wa khroo ya ka yung ka sem, ka kur ka jait wa ka raij ka chnong waroh kawi.