Pynlait ka sorkar pyrdi T. 6000 klur cha ki jylla yow pyndap ya iwa duna wa yoh naka GST

Ka Ministry of Finance da pynlait ko yaka bhah wa 7 namo ka 7^th Weekly Instalment wa T. 6,000 klur cha ki jylla yow pyndap yeiwa duna i yoh naka GST. Na kani, T. 5,516.60 klur da pynlait cha ki 23 tylli ki jylla wei T. 483.40 klur da pynlait cha ki 3 tylli ki Union Territories (UT) kiwa em Legislative Assembly (Delhi, Jammu & Kashmir wa Puducherry) kiwa man ki dkhot ka GST Council. Kiwa sah won ki 5 tylli ki jylla kitæ ka Arunachal Pradesh, Manipur, Mizoram, Nagaland wa Sikkim ym em duna i yoh ki deiwa pynkrehkaam yaka GST.

Ka sorkar India da e laad ko yaka laad wow chim ram ha u Naichiphaw, 2020 yow pyndap yei duna i yoh wa T. 1.10 lak klur deiwa pynkrehkaam yaka GST. I e laad wow chim ram da ka sorkar India neibynta ki jylla wa UT wei i e laad da leh la 7 sien, iwa da e poisa cha ki jylla ha ka 23-10-20, 02-11-20, 09-11-20, 23-11-20, 01-12-20, 07-12-20 wa 14-12-20.

Ka poisa kawa da e ram ha uni u bnai toh haka sut wa 5.1348%. Hadooh kattæ ka poisa wa da chim naka sorkar pyrdi toh T. 42,000 klur lyngba ka Special Borrowing Window kawa da kheiñ hapyrdi lang ka sut (Average Interest Rate) wa 4.7712%.

Yow pyndap chooh chooh yeiwa duna i yoh dan naka GST, ka sorkar India da e chooh chooh ko wow chim poisa wa 0.50 % naka Gross States Domestic Product (GSDP) cha ki jylla kiwa jied yaka Option-I iwa waroh ki jylla da jied ki yaka Option-I heiwa da chah wow chim poisa wa T. 1,06,830 klur (0.50 % ka GSDP) iwa da e cha ki 28 tylli ki jylla.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

State wise additional borrowing of 0.50 percent of GSDP allowed and amount of funds raised through special window passed on to the States/UTs till 14.12.2020.

Rs. in Crores