Pynlait paidbah ka PIMC ya ki kari kit ya kiwa lai phah sumaar

U Montri Rangbah ka jylla, u Conrad K. Sangma, ynne da pynlait paidbah u ya ki kari kit bru wa kjut wa chitom wa tip kam ka Health Shuttle Service yong ka P.A. Sangma International Medical College & Hospital (PIMC) deiwa emlang ka Health Minister, ka Ampareen Lyngdoh wa u Chancellor ka USTM, u M. Hoque.

Kini ki kari toh ki wow kit ya kitu kiwa mut wow lai thiah sumaar ha Hospital deilang kiwa pait ya ki dei thmu wow pynsuk ya kiwa sah cha ki thaw wa em ha sor wa cha palatsor.

U Conrad hawa e yei klam da yaroh u ya ka PIMC yeini wa da leh ko deiwa ong wa toh iwa emkaam bha wei da ye wow leh wot hapyrdi wa em boon i eh i khoo wow sdang ya kani ka Medical College wei kini ki kari daw yarap ko wow pynkhlan yei e chakri ya ki paidbah ym du ha Shillong tangwa wot cha kiwi ki thaw.

Ka Ampareen hawa e yei klam da ong ko wa i sdang ya kam ini daw yarap bha ko neibhah i pynpoi ya kiwa kjut wa chitom heipor wa biang toh iwa emkaam bha wei deiwa em kam kini ki kari daw yarap ko khamtam ya kitu kiwa sah cha ki thaw wa jngai.

Related posts

Yaroh u Conrad yei krehlang ki MDC ka TMC ha GHADC neibynta i hok ki Garo

March 25, 2026

Da ki phaw tylli ki kari wa khayi masi khlem em wa kem ha West Jaiñtia, kyntu ka HNYM na u SP wow chimkhia

March 25, 2026

Kani ka Health Shuttle Service u sdang chwa da 10 tylli ki kari heiwa 5 tylli toh neibynta ki thaw wa em cha palatsor wa 5 tylli won neibynta ki thaw wa man sor wa kynthup ya ka Shillong.

U sdang leh deiwa booh chwa ar tylli ki kari hapoh Shillong, deiwa booh thong wow pynheh chooh chooh kamjooh u pynkrehkaam leh da ka Mobile App yow ye u Book ya kini ki kari.

Ka PIMC deiwa sdang ya kani da booh thong ko wow pymiat pynbha yei e chakri ya ki paidbah.