U Conrad Sangma ynne ka sngi da pynlait poisa u hapoh ka Piggery wa ka Milk Mission ha Ri-loom Garo hei emlang u Principal Secretary Animal Husbandry and Cooperative Department, u GHP Raju wa u Deputy Commissioner ka West Garo Hills, u Ram Singh.
U Conrad hawa e i klam da ong u wa ka Piggery wa ka Milk Mission ka sorkar booh thong ko wow wailaad wow yoh khih yoh kreh ki khynroo khyllood ka jylla.
Da ong u wa ka jylla baam ko 18000 MT i doh sniang ha ka chi snem katwa i doh sñiang wa da pynmih em ki du 8000 MT donhi.
Da ong u wa ki khynroo kamjooh leh ki warep ye ki wow chim kabu na kani ka Mission wow yoh myntoi deiwa sdang ya ki Cooperative Society wow psan mrad.
Da ong u wa kamwa T. 600 klur da pynlut ka sorkar wow pynchlur ya ki kaam psan mrad hapoh ka jylla.
Da ong u wa katni eh wow yoh kreh sorkar wei ka sorkar thrang ko wow pynku ya ki kaam rep wa ki kaam psan mrad wei lyngba kani ka thong daw ye ki khynroo u yoh yarap heiyatoh wa ini i kaam.
Ka Piggery Mission kawa T. 209 klur toh kawa heh dooh kam kani hapoh ka ri India.
Ha kani ka sngi da ekti u ya ki Cheque wa khlem sut cha ki 26 tylli ki Piggery Cooperative Society wa 13 tylli ki Dairy Cooperative Society.
