theme-sticky-logo-alt
theme-logo-alt

Pynman ka GAVI Alliance ya ka yalang kammon wow pynyoh tika ya waroh

Ka GAVI Alliance (kawa jooh tip kam ka Global Alliance for Vaccines and Immunisation) toh ka ya krehlang ki sorkar ka pyrthai kamjooh ki seiñ yong ki bru samen yow pynyoh tika ya waroh “Immunisation for all”. I thong ka GAVI toh wow pynkrehkaam yei e tika wa boon jait wei man ko leh kam kawa pyndap pynbiang cha kitu ki ri ki wym yoh poisa u thied ya ki tika wa boon jait.

Hajrong ini, ka GAVI-INDIA Strategic Partnership 2022-26 Workshop da pynman ynnin ka 6 tarik ha Shillong Club, Shillong neibynta ki 4 tylli ki jylla ka Northeast wa kynthup ya ka Meghalaya, Mizoram, Arunachal Pradesh wa Nagaland. Ya kani ka yalang da wai da u Ramkumar S. IAS, Mission Director, NHM Meghalaya wei da pynman ya ka da National Health Mission, Meghalaya deilang waka UNDP Meghalaya. Da emkti lang leh ka UNICEF, WHO, JSI wa JHPIEGO. Kiwa chimbynta toh kiwa embynta hei e tika deilang wa ki State and District Immunization Officer ka Meghalaya, Mizoram, Nagaland wa Arunachal Pradesh.

Kani ka yalang wa man leh kam ka Workshop da yaklam bniah ya ki kaam wa da leh ka GAVI Alliance yow pyndooh yei wym ye u pynpoi pynyoh tika ha kiwa boon ki bynta ka ri. Kani ka Workshop daw yarap ko leh ya kiwa embynta wow thooh bniah ya i eh i khoo wa yachem wei iyi i daw wa dang em ki wym bien u chim tika.

Kamtæ i pynlut por toh yow lum yukheiñ, yutip, i e yarap, i pynkhlan yei kitkhlieh ki chnong ki thaw, ki seiñ wa kiwi de.

Ha kani ka Workshop da pyrkhat leh kammon u leh yow poi i tika cha waroh khamtam neibynta ki khynnah ki wym jooh em yoh tika wei wow sñiawthooh leh kammon u sñiawthooh ki paidbah chaphang ki tika. Ka GAVI u kyrchaan ko ya ki jylla wow poi cha ki thong deiwa krehlang san snem nadooh u 2022 hadooh u 2026.

Share this:
Previous

578 ngut ki Sub Inspector wa pyndep ya ka chah sikai na NEPA

Next

Mih i kulmar i mynsoo nei yah thuk-thuk khlemakor ha ki sarokbah