15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynman ka WAY da ka yaleh Football lang ki chynrang wa kynthai kiwa sah khappod ka Assam-Meghalaya

0 Comments

Jowai: Kawa ye u man ka sien wa nyngkong hapoh ka thaaiñ mihsngi, ynnin ka sngi ka 20 tarik da pynman ya ka yalehke Football heiwa ki chynrang wa kynthai da yalehke lang ki ha ka jooh ka dhab (Team) kawa pynman ha Umtyrnga, Umling Block Meghalaya.

I thmu ini toh yow wanrah yei chongsuk yow pynwiar nei leh chilliang wow kynthup lang wei wow e i jooh i laad ya chynrang wa kynthai wei da man ko kawa jop ha kani ka sngi.

Advertisement ad1

Kani ka yalehke Football man ko kam chibynta ka “Inclusive Football for Gender and Peace” kawa da yahkhmat da ka Rekha Sarma, u Chenmiki Laloo wa ka Shanbeni Ngullui kiwa man kam ki Volunteer ka We Are Young (WAY) Foundation, Guwahati kiwa ha kini ki ar bnai wa da dep da lai kynjoh ki ya palat 100 ngut ki khynnah wa ki khynroo khyllood kiwa im cha ki chnong khappood ka jylla Assam wa Meghalaya.

Kamtæ da ye wow chna soo tylli ki Team heiwa kiwa yalehke da wan ki na ki chnong khappood ka Meghalaya wa Assam wei da emlang ki haka jooh ka Team yow wanrah ya ka ya sñiawthooh yumut lang yow lait i sñiaw yaphær jaitbru wei da pynman ya le tylli ki yalehke.

Ya ki yalehke da wan sakhi da u Nirnay John Chettri, Director, MARG, Darjeeling, u Dominic P.T. Professor, Assam Don Bosco University, u Ashok Marak, Headman ka chnong Mawiong, u Borkhortyngkut, Headman ka chnong Umtrynga wei ya ini waroh da kyrchaan da ka Katradi waka US Consulate General Kolkata kiwa da yarap poisa T. 20,000 yow pynman ya Project.

Neiliang u Nirnay, Director, MARG da u, “Ini waroh wa da sdang man i iwa khlanbor bor wow wanrah yei kylla ya i rukom im yow lait nei chah leh chilliang.”

U waheh chnong ka Umtrynga da ong u wa ngait u wa ka Sport ye ko wow wanrah yei kylla ha ka imlang sahlang hei wow pynkylla ya ki kaam wa da pynkit wow leh ki kynthai wa chynrang.

Share this:
Previous

Da thung thymme ya u Organising Secretary ka ABVP ya ka Ri-Loom Khasi Jaiñtia

Next

Kyrchaan ka JSU yei yakhih ki wakreh 108

0 Comments

Leave a Reply