Pynmih ka Bangladesh ya ka hukum kem ya ka Sheikh Hasina deilang wa 45 ngut kiwi wa kyrchaan ya ka

Ka yung bichaar ka Bangladesh wa tip kam ka International Crimes Tribunal (ICT) kawa da sdang da ka PM warim ka Bangladesh, ka Sheikh Hasina ha u snem 2010, ynnin ka sngi da pynmih ko ya ka hukum kem namo ka Arrest Warrant pyn ya ka hi kawa man leh kam ka heh ka Awami League deilang wa 45 ngut kiwi ki dkhot wa kynthup ya u General Secretary, u Obaidul Quader.

Kani ka Arrest Warrant toh heiyatoh wa i pynbaad pyrchah ya ki hadien wa mih i awri ha kani ka ri ha u Naiynñiaw wa Naisaphra. 

Ka ICT wa khlieh da u Chairman, u Justice Md Golam Mortuza Majumdar, da pynmih u ya kani ka hukum hadien wa em ar tylli ki mukotduma ha ka Tribunal pyrchah ya ki dkhot ka Awami League.

Ka Tribunal da phah ko wow kem ya ka Hasina wa ki 45 ngut hapoh ka 18 tarik u Khonchonglad (Nov) wei kini kynthup ki ya ki Minister warim kam u Obaidul Quader, u Asaduzzaman Khan Kamal, u Hasan Mahmud wa u Anisul Huq.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da em leh 60 tylli ki ujor wa tynyap khiar namo ka Genocide wa da leh ka Sheikh Hasina wa kiwi deiwa pynbaad leh wa pynemkaam ya ki pulit wow pynyap bru heipor wa em ko hei bor.

U Tajul Islam uwa man u Chief Prosecutor ka Tribunal da pyntip u wa daw paan yarap na ka Interpol wow kem wei wow wanrah ya kiwa yut chirup wa ka Hasina na Bangladesh.