Ka Dorbar Chnong Shnongpdeng lyngba ka Executive Meeting kawa da ya chong kyrpang hadien wa da chem wa em wa wan kiwa khwe dakha ha wah Umngot, Shnongpdeng ha ka “Thwai Masiah” wa ka “Thwai Rijab” da man ko kawa laitlan.
Ka bor chnong hadien wa da yatai sani, khnang wow ye u kdoh u khoom ya iwon iwon i eh ha kam ini i por wa em ka khlam COVID-19. Da chim ya ka rai wow chah ya kiwa khwe dakha na kitu ki chnong kiwa marjan nadooh Pynursla (East Khasi Hills) wa hadooh Amlarem (West Jaiñtia Hills) kiwa sñiawjooh sñiawjan wow wan khwe ha Thwai Masiah wa Rijab, hajrong kini ki kyndon wa pynrkhiñ wa da kdaw ha wah.
- Da chah wow wan na sarok ka wow psiah cha ka thaw pynyieñ kari Parking wa da pynkhreh daka chnong kiwa wan da ki kari.
- Katkam i man yong ka thwai, ym pdiang palat yaka 80 ngut haka chi sngi wow wan khwe. Khnang yow ye u leh yaka Social Distancing ha ki thaw khwe yow lait u ya khynnia.
- Waroh kiwa wan khwe toh u bood ki ya ki kyndon ka sorkar, kam ka Social Distancing, u rah ya ki Hand Sanitizer wei wow deiñ bha yaki Mask.
- Kiwon kiwon kiwa khwe ki wym bood yaka kyndon wow yada na u COVID-19, ka bor chnong daw hap kyntait ko ya kam kini.
- I por wow chah u khwe u man ko nadooh i por 7 waje i step hadooh i por 5 waje i janmiet.
- Waroh kiwa khwe kiwa wan lyngba ini i pynbait yong ka chnong daw hap ki wow yoh yaki Token næ ka Ticket wa da pynkhreh daka chnong. Lym kamtæ ym ye wow pdiang ya kam kitæ kiwa khwe.
- Ym chah wow wan yah lang ya ki khynnah cha ka wah næ i thaw khwe. Ka bor chnong ye ko wow kyntait ya kam kitæ kiwa wan khwe.
- Ym chah wow psiah laitlooid chapoh chnong khlem da kynjoh ktien wa ki bor chnong. Kiwa wan khwe daw hap ki wow pynemkaam yaka luti psiah wei mih kamwa da kdaw daka chnong.
- Ini u krehkaam ko nadooh ka 29 tarik uni u Naisaphra (August) 2020 hadooh wa pynmih hukum da kamwi.
Ka Dorbar Chnong Shnongpdeng da kyrpaad ko ya kitu ki chnong kiwa da kdaw wow sñiawbha u ya krehlang ha ini i bynta, khnang wow ye u pynlai bait ya ini i thmu ha kam ini i por wa em hapyrdi ka khlam COVID-19.