Pynrem joor ka JYF Women’s Wing ya u MB Rymbai wa thmu u knieh ya ka chuki u ma T. Shiwat

Jowai : Ka kong Arlin Dkhar ka President ka Women’s Wing yong ka JYF da ong ko wa ka seiñ da pynrem joor ko ya u MB Rymbai yei soohbuit yong oo yow knieh ya ka chuki CEM u ma T. Shiwat ha kani ka Budget Session yong ka JHADC wa dang dep.

Ka Women’s Wing da ong ko wa u MB Rymbai toh uwa baamsap ya ka poisa ka JHADC hadooh T. 1, 18, 50,000 heipor wa dangman u kam u CEM ka JHADC.

Kamtæ ka seiñ da sñiaw phylla ko wa hadooh katwon wa nood uni u bru wa baamsap u thmu u tooh ya ka chuki u CEM heiwa tang ya ka poisa wa da bamsaap u ym pu em dep su u cha ka JHADC. Da pteiñ deiwa ong wa uni u bru toh uwa da dep chah kset patok wei wym yahap de u chong ha ka chuki u CEM.

Da kyntu ka seiñ ya waroh ki MDC wa ym hoi u elad kam ya uni u bru u man u wa yahkhmat ya ka JHADC neibhah lada yoh laad u daw riñ lut u ka ka poisa ka JHADC.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka seiñ da kyntu ko leh ya ki pulit yow pynman ya ka takit yong ki kawa pliah khnang yow yoh u pynchitom ya uni u bru katkam ka aiñ.