15 49.0138 8.38624 1 0 4000 1 https://wyrta.com 300 0

Pynrem joor ki paidbah Hingarai hajrong ka FIR wa e u DC ya u Marshall Biam

0 Comments
Advertisement ad1

Jowai: Neiliang yong kiwa chong chnong ka Hingaria da dap ki dei sñiawphylla kawa khroo hajrong ka ujor FIR u DC ya u Marshall Biam du na i daw wa yarap u wow booh ujor ha ka yungkrehkaam u DC ka East Jaiñtia Hills District neibynta wow dawa yoh yei su bai khyndaw kawa yatoh wa i kær pood yong ka ri India-Bangladesh, ha ki thaw yong kiwa chong chnong ka Hingarai.

Kiwa chong chnong da ong ki wa u DC kam u pa wa toh u pait ya ka imlang sahlang wa ka roi ka paar neibynta ki khon ka District waroh kawi, tangwa da leh u mar cha wa yoo. Heithaw wow thooh laad ki luti kammon wow wanrah ya ki angnood ki khon ka District, da pyngngat pathan u ha ka kti yong ka aiñ khlem pyrkhat lang ya iwa angnood wow yarap ya kiwa kup wa sem chiliang.

Ki 64 ngut da pynrem ki ya ini i leh leh yabor u DC ka East Jaiñtia Hills District, wa ujor FIR u ya u Marshall Biam. Deiwa ong wa lada jai katwa jia, u toor bait ki chakhmat yow yoh ya ka hok yong ki, lada i leh u DC man ko ha i tæ i dur wa da yoohbeiñ ya i hok manbru long bru. Da dawa na u DC wow pyndam noh yaka FIR pyrchah ya u Marshall Biam khlem da booh kawon kawon ka kyndon. Lada jia wa u Marshall Biam u chah kem u, daw pynjoor ka yakhih wei ya iwa jia iwon iwon, u khlieh ka District (DC) hap u wow bah khlieh ya kini ka kaam.

Kamjooh neiliang ka North East Indigenous People Front (NEIPF), Youth Wing, South Eastern Border Region, East Jaiñtia Hills District, da pynrem ko ya ini i leh u DC, East Jaiñtia Hills District, Khliehriat.

Neiliang u President yong ka NEIPF, South Eastern Border Region, u Letmon Pyrtuh, wa u Vice- President u D. Rymbai da pynsñiaw ki yei sñiawkhia hadooh kattæ hajrong ini i jia wei da man ko leh wow pyndooh yei hok longbru manbru, ka hok kawa da e da ka Constitution yong ka ri India katkam ka bynta kawa 3 (Part- III- Fundamental Rights) da chim wei da pynemkaam bakla yaka.

Also Read: Pyrchah wei pynrem uwa chah e FIR ha u DC ka EJH

0 Comments

Leave a Reply