15 49.0138 8.38624 1 0 4000 1 https://wyrta.com 300 0

Rah ka Meghalaya yaka Sub-Junior National Football Championship

0 Comments
Advertisement ad1

Shillong: Ka Meghalaya da jop ko yaka Sub-Junior National Football Championship Final da 3-0 pyrchah yaka Arunachal Pradesh ha Kalyani, West Bengal, ynne ka sngi.

U Samchaphrang Lato (52′), u Samlang Rympei (90’+4) wa u Teibok Nongrum (90’+5) da thap ki ya kool yow e yaka Meghalaya yei jop heiwa ha u snem 2017 da rem ki haka Final.

Advertisement ad1

Waroh arliang ym em rem ki ha kani ka Final Round, haka yakhun Final ka kylla step da man ko kawa yatoh bor bha wei da kut ko khlem em wa yoh u thap kool. Haka kylla miet ka Meghalaya da ye ko wow thap yaka kool wa nyngkong lyngba u Lato.

Ka Arunachal kawa rem haka Final ynnin u snem da yoh ki kattu katni ki laad wow thap kool, khamtam haka minit wa 67 kawa ye u kool ka Meghalaya wow pynsangeh yaka bol wa chut na jngai lyngba ka Free-Kick.

U Wallambok Shangpliang won yaka kool wa ar da yarap bol u ya u Rympei uwa thap ya ka kool napoh ka Box, katwa u Nongrum won da pyntikna u yei jop deiwa thap lyngba ka Free-kick kawa yoosuk bha.

Advertisement ad1

0 Comments

Leave a Reply