Ka Indian Railway da yaleh ko wow yada nei poor u khñiang COVID-19 da pyntip u Piyush Goyal, Railway Minister deiwa dam noh u e yaki kymmor kamjooh wow booh pyrda hapoh waroh ki AC Coach ki rel wa neidaw yaki kymmor waki pyrda ym em sait yaki kut wa pynemkaam yaki wei na ini i daw ym booh de yaki wow pynemkaam kiwa lai luti.
Yow lait ware ki bru u kjam hapoh ki AC Coach daw pynku yei chit cha 24-25 C. Ya kiwa lai luti da ki First Class AC daw e yaki da ki kymmor wa ki that siang thiah kiwa dep sait lada emkaam ki.
Waroh ki kymmor ki pyrda kiwa ym pu em pynemkaam leh u sait noh yaki wei u booh ha i thaw wa rkhiang wa iwa khooid.
Waroh ki jait that wa e cha kiwa lai luti toh u song yaki ha ki yunsong wa da kset sbak (Sealed Packets).
Da kyntu leh ya kiwa lai luti wow rah ki da ki yong ki hi ki kymmor wei da phah leh ya ki wakreh Railway wow pynkhooid ya waroh ki Coach kamjooh ki paikhana.
Ya ini waroh u leh hadooh wa pynmih hukum da kamwi.
Discussion about this post