Uwi na kiwa kreh ha KHADC uwa tip kam u Banrikupar Suting, da yaleh mukotduma u ha ka Meghalaya High Court heiwa da chong bichaar ka ynne da u Justice B. Bhattacharjee heiwa neiliang uwa yaleh mukotduma da dawa u wow pynsangeh ya ka hukum ka Council wow pynhiar kyrdan ya oo uwa man kam u Enforcement Constable uwa da yoh yei kreh wa pura namo uwa da Regularized heiwa da pynhiar kyrdan ya oo kam u Casual Enforcement Constable.
Ha ka mukotduma da ong wa hadien wa kreh u kam u Casual Enforcement Constable la san snem, da pynmih ya ka Office Order No.585 ha ka 14-08-24 yow man noh kam uwa kreh wa pura (Regularized) iwa da leh da ka EC ka KHADC ha itai i por.
Tangwa da pynmih da kawi won ka Office Order No. 357 ha ka 30-05-25 heiwa ya kani ka hukum wow Regularize da pyndam noh ka yow man biang u kam u Casual Enforcement Constable.
Katkam wa chem ka yung bichaar, da ong wa ym em e Notice chwa wow leh yeini yow e laad ya uwa kreh wow pynsñiaw u ya idæ. Tangwa ha kani ka hukum wow pynhiar kyrdan yei kreh da leh ya ka deiwa e daw wym em bood katkam ka Rule yei thung kreh tangwa ym em ong deiwa che kawon katæ ka kyndon (Rule) wym em bood hawa leh ya ka Regularization.
Kamtæ da yung bichaar da pynsangeh chwa ko ya kani ka hukum namo ka Officer Order No. 357 ka KHADC wa da pynmih ha ka 30-05-25.
Puræ leh: Chah beh kreh 27 ngut na KHADC, kyntait u CEM wow thung biang
Discussion about this post