Amlarem : Ka Bharatiya Janata Yuva Morcha (BJYM) Jaiñtia Hills hapoh i yakhmat u Jersom Shylla, President, da pynman ko ya ka yalang ynnin ka sngi 26 tarik, ha Enowell Pohshna Hall, Amlarem, hei yatoh wa u pynskhem ya ka BJYM yong ka BJP 7- Amlarem Legislative Assembly Constituency.
Ya kani ka yalang da pyllai da u ma K. Langchiang, President ka BJP 7-Amlarem Mandal Committee, heiwa da wan hadooh kamwa 100 ngut ki waheh wa ki khynroo na waroh ki polling booth yong ka 7-Amlarem Constituency kiwa da psiah cha ka BJP lyngba ka BJYM.
Ha kani ka sngi da yoh yei klam na u K. Lamsalanki Pariat State Secretary (Org ) i/c Khasi Jaiñtia, hei yatoh wa i kaamram ki khynroo khyllood ha kawa u tei ya ka imlang sahlang khamtam ha kani ka por wa yindong i man i long ka synchaar ka khadaar ha ka jylla Meghalaya.
Kamjooh, u Khynroo E. Kurkalang, State President ka BJYM da klam u hajrong i emkaam ya ki khynroo wow chimbynta lang ki ha kawa u ya kit ya bah ya ki kaam nadooh na yung hadooh ha chnong ha thaw neibynta wow wanrah ya ka jylla kawa khlan kawa dap kawa biang.
Kiwi tawan ki nongklam toh u I. J. Paswet Genl. Secy BJP, WJHDC. U State Genl. Secy. BJYM da ban joor ki yei chimbynta ki paidbah wow wanrah ki dkhot cha ka BJP kiwa man kiwa khooid ha i sap i tap, kiwa stad kiwa tip yow ye u pynkhooid ya ka rukom yaleh election MLA ha kani yaleh kawa daw wan.
Kiwa krehkaam ka BJYM kiwa da pynskhem yong ka 7-Amlarem toh u khynroo Everest Langstang na Lamin kam u President wa u Genis Lamin Gashnga na Dawki kam u General Secretary wa ki 25 ngut ki Executive Member ka Committee.
Discussion about this post