Jowai: Ki dkhot yong ka sorkar Meghalaya Democratic Alliance (MDA) ynne ka sngi da yachem ki wow lehkmen hadien i jop ya ka bye-election ha Ranikor wa South Tura Constituency.
Ha kani ka yachemlang ki dkhot ka MDA da pynsñiaw ki yei mynsien wa skem ya ka sorkar jylla.
Neiliang u montri rangbah ka jylla, u Conrad K. Sangma da sñiawngooh u ya ki dkhot ka MDA wa da e ki i kyrchaan ya oo ha kani ka election.
“Ka South Tura da pdiang ko yeiwa kop u Kyrmen Shylla wei da pyntikna ko wa da jop O deiwa tam boon dooh ki Vote wei e khublei kyrpang O ya ki paidbah yong ka South Tura kiwa da kyrchaan pura ya nga ha kani ka kynti,” da ong u Conrad Sangma.
Da pyntikna u leh wa ka sorkar MDA daw kreh ko neibynta iwa thrang wei angnood ki paidbah ka jylla waroh kawi.
Neiliang u working president ka UDP, u Bindo Lanong da pynskem u yei kyrchaan ya ka sorkar MDA wei wow pynkhlan chooh chooh ya ka sam chaphrang.
Discussion about this post