15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynuiñ ka CBDT ya ka Income Tax wa T. 2.62 lak klur hadooh ka 31 Wisu uni u snem

Advertisement ad1

U snem ki kaam poisa tangka namo ka Financial Year 2020-21 da em chiboon i eh i khoo du neidaw wa em ka khlam COVID-19 wei ka sorkar neipor cheipor yaleh ko u pynsuk ya ki padbah khamtam heiyatoh wa i khayi pateiñ yong ki.

Wow pynsuk ya kiwa su dan namo ki Taxpayer, kiwa kynthup ya ki bru samen wa ki karkhana, ka sorkar da pynuiñ ko ya ka dan wa kamai ki (Income tax refund) ini kynthup lang ko wa ki kaam wa dang em hei yaleh (Pending Cases) wa kiwa dang sahteiñ.

Katkam ka Central Board of Direct Taxes (CBDT) da pyntip ko wa da pynuiñ palat T. 2.62 lak klur cha ki 2.38 klur ngut kiwa su dan nadooh ka 1 Naitung (April) 2020 hadooh 31 Wisu (March), 2021 heiwa ha u snem chwa da pynuiñ T. 1.83 lak klur, iwa pynyoo wa da ku i cha ka 43.2% katni.

Ka dan na ka khayi wa da pynuiñ (Income tax refund) da man ko kamwa T. 87,749 klur na ki 2,34,27,418 tylli ki mukotduma (Case) heiwa ka dan na ki karkhana wa da pynuiñ (Corporate tax refund) da man ko kamwa T. 1,74,576 klur na ki 3,46,164 tylli ki Case ha u jooh u snem.

Ka sorkar da pyrchang ko leh neipor cheipor wow pynsuk ya kiwa khayi pateiñ khamtam hadien wa ktah ka khlam.

Share this:
Previous

Rah ka Chiruplang yaka 1st Ram Sing Lamare Cricket Tournament Cup 2021, Ummulong

Next

Kynjoh ka dan GST ka ri cha ka T. 1,23,902 klur wei T. 151.97 na Meghalaya donhi