Pynuiñ u Lat ya ka Clan Bill ka KHADC

Shillong: Ka dorbar ka KHADC ynne ka sngi da wanrah ko ya ka bui (Report) kawa yatoh wa i pynuiñ biang u Lat ka jylla ya ka Khasi Hills Autonomous District (Khasi Social Custom of Clan Administration) Bill 2018 wa da phah da ka Council ynnin u snem.

Ya kani ka Report da wanrah da u CEM ka KHADC u Teinwel Dkhar ha ka yung dorbar.

Katkam kani ka khubor wa da phah da u Lat ka jylla, da em 6 tylli ki phang wa da e daw wa ym yahap wa em ha kani ka Bill.

Kawi na kini ki daw, toh wa kani ka Bill tyngkhooh ko wa ka KHAD (Khasi Social Custom of Lineage) Act 1997, neitæ ka Clause 15 tyngkhooh wei pyrchah ko ya ka Article 21 ka riti synchaar ka ri wei kamjooh ka Sub-clause (i) 16, ym lai ko neibhah wa da em ka Section 12 ka KHAD (Khasi Social Custom of Lineage Act 1997.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

U Lat da e daw u leh wa ym em iwon kiwon i kdaw wa ka Bill u man ko katkam wa pynrap ya ka KHAD Khasi Social custom of Lineage Act 1997. Kani ka Bill da tyngkhooh ko leh wa ka aiñ wa yatoh wa i thung ya ki khlieh synchaar kawa ynru kawa man wa kani ka Bill khang laad ko ya u bru wow chim ya ka jait na u pa kawa man katkam ka rai ka Guwahati High Court yong ka mukotduma u AS Khongphai pyrchah ya u Stanley DD Nichols Roy & Ans.