Ka Ministry of Road Transport and Highways (MoRTH) da rai ko wow pynyinsur yei rta (Validity) ki kot kari kam ki Fitness, Permits, License, Registration wa kiwi kiwi ki kot hapoh ka aiñ Motor Vehicles Act, 1988 wa ka Central Motor Vehicle Rules, 1989 hadooh ka 31 Kmaichonglad (December) 2020.
Chwa ini ka Ministry da tyrwa buit ko (Advise) ha ka 30 Wisu (March) wa ha ka 9 Naiynru (June) uni u snem heiyatoh wow pynyinsur ya i rta ki kot ki sla wa yatoh wa ka Motor Vehicles Act, 1988 wa Central Motor Vehicle Rules, 1989.
Da e buit ko wa i rta ki kot kari kam ka Fitness, Permit (waroh ki jait), License, Registration wa kiwi kiwi toh u im ki hadooh ka 30 Naikhynde uni u snem.
Deiwa kheiñ yei man i long hadooh katni na ka khlam u COVID-19 wei wow khang yei poor uni u khñiang ha kylleiñ ka ri, da pyrkhat wow pynyinsur noh ya i rta wow im kini ki kot neidaw wym ye u pynthymme ya ki neidaw wa da em ka Lockdown kiwa da yap (Expire) nadooh ka 1 Feb, 2020 namo ki wow yap ha ka 31 Kmaichonglad 2020, kini ki jooh ki kot toh u kheiñ wa im ki hadooh ka 31 Kmaichonglad 2020. Da tyrwa (Advise) ya ki chnat wa pynkrehkaam ya ini u kheiñ ki wa im (Valid) ki hadooh ka 31 Kmaichonglad (December) 2020.
Yeini da leh ka Ministry toh wow yarap ya ki paidbah kiwa kwah u pynthymme ya kini ki kot.