Pyrchah joor ka HANM wow pynman Public Hearing ka Company Dalmia

Jowai : Ka seiñ Hynniewtrep A’chik National Movement, lyngba ka khubor na u President yong ka u E. Shadap, da ong wa ka seiñ pyrchah joor ko ya i thmu wow pynsñiawthooh paidbah (Public Hearing) ka Company Dalmia Cement Plant neibynta wow tih moochuni chooh na ka chnong Thangskai, East Jaiñtia Hills.

“Iwa sñiaw phylla toh kammon chah ka sorkar u pynman ya kani hawa tang kat ka Mining Policy leh ympu em, yoosar ka sorkar pait chilliang khmat ko ya ki paidbah ka Jylla Meghalaya kiwa khih mooyong, heiwa da phah kem ya waroh kiwa tih mooyong tooh katwa ebor won ko ya ki karkhana wow pynsñiawthooh paidbah ko yei tih moochuni” da ong ka seiñ.

Kamtæ ka seiñ da dawa ko wow pyndam chwa ya kani ka pynsñiaw paidbah ka wow pynman da ka Ms/Dalmia Cement ha kani ka 25 tarik uni u bnai.

Chooh chooh hei yatoh wei tih moochuni, ka seiñ da ong ko wa katkam ka yutip wa tikna ki karkhana khyndawbilat hapoh East Jaiñtia Hills District ympu yoh ki ya ka Clearance Certificate na ka Ministry of Forest & Environment kamjooh leh na ka Joint Inspection Team kawa da pynskem wa waroh ki Cement Factory pynkrehkaam ki ha ka Forest Area tæ neiyi i daw wa ka sorkar suki hieh ko khlem pynchitom ya ki katkam ki kyndon Aiñ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka seiñ da kam ko wa kani pynche ko kdar wa ka sorkar ka ksih beiñ ko ya ki paidbah wa boon wa lang deiwa kynnoh wa i khih mooyong ktah ko ya ka rymaw liang wanang.

U Shaniahlang Suchen, President ka Jaintia Hills Unit da ong u wa la man katwa man ka seiñ u pyrchah ko ya kani ka pynsñiaw paidbah kawa daw pynman ha ka chnong Thangskai kat wympu pynche ka sorkar wa ye namo ymye ki karkhana u tih moochuni khlem em ka Mining Policy.