15 49.0138 8.38624 1 0 4000 1 https://wyrta.com 300 0

Rah naam ka chnong Mawlynnong wa ka Raj Bhavan ya ka Meghalaya

0 Comments
Advertisement ad1

Shillong : Kani man ko ka sien wa nyngkong heiwa ka chnong Mawlynnong wa ka Raj Bhavan wa em ha Shillong ha kani ka 8 tarik da pynkup burom ya ki kam ka chnong wa ka yung wa yoh yei naam Green Village wa ka Green Building da ka Indian Green Building Council (IGBC) ha ka yalang wa pynman ha ka Grand Hyatt ha Mumbai.

Ka chnong Mawlynnong toh ka chnong wa nynkong wa yoh ya ini naam hapoh ka ri kam ka Green Village katkam i bichaar ka IGBC wei ini i yoh ko ya kani ka khusnaam daw yarap chooh chooh ki ya ka wow taan ya kiwa uiñsawari na kylleiñ ka pyrthai.

Ka IGBC toh ka seiñ ka Confederation of Indian Industry (CII) ka wa da seiñ ha u snem 2001 kawa pynchlur wei ka wa thooh laad wow chna ya ki yung ki sem ki wym ktah ya ka rymaw kamjooh leh ya ka chnong waroh ka wi.

Ya ka khusnaam da pdiang da u K. M. Momin, Joint Director, Tourism, Govt of Meghalaya ha ka yalang wa tip leh kam ka 14th Edition Green Building Congress 2016.

Ka Raj Bhavan toh i yung wa da em la 112 snem katwa ya ka Mawlynnong da tip leh ya ka kam ka “Asia’s Cleanest Village.”

Advertisement ad1

0 Comments

Leave a Reply