Pyrchah ka Dorbar Chnong Moolamylliang yei pynman Public Hearing u Dolloi yow booh Wine Store

Ka Dorbar Chnong Moolamylliang da pynsñiaw ko yei pyrchah wa joor yei pyrchang pynman ya ka pynsñiaw paidbah namo ka Public Hearing ha ka 7 tarik uni u bnai ha yaaw Umpleng, Moolamylliang heiyatoh wa i e NOC da u Dolloi ka Elaka Sutnga cha ka My Please Siangshai wa u Ajay Shylla yow booh yaka dukan dai kiad namo ka Wine Store.

Ka dorbar chnong da ong ko wa katkam ka kyndon aiñ hapoh ka Section 31(11) ka Jaintia Hills Autonomous District (Establishment of Elaka and Village and Election Power, Function and Jurisdiction of Dolloi Sordar and Waheh Shnong) Act 2015 da klam che wa ya kam kani ka NOC toh kawa ye u e da u Waheh Chnong donhi wei ki Dolloi ym em bor ki wow e kam kini ki NOC.

Kamtæ da ong wa ini i leh u Dolloi man ko pyrchah ya ka aiñ ka JHADC heiwa neiliang ka chnong da dep ko wow thoh leh cha u Deputy Commissioner ka East Jaiñtia Hills heiyatoh wa ini.

Chooh chooh da ong wa lada lai chakhmat wow pynman ya kani ka Public Hearing, neiliang ka dorbar chnong daw lai ko cha ka yung bichaar pyrchah ya ini i kaam wa man pyrchah aiñ.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025