Pyrchah ka HNYF Raliang Circle ya u ma Thombor

Jowai : Ka HNYF Raliang Circle da beiñ joor ko yei leh bor u ma Thombor Shiwat iwa man pyrchah ya ka aiñ heiwow suspend u ya ki 7 ngut ki Dolloi wa ki 3 ngut ki Action Dolloi du na i daw wa bood ki ya ka hukum ka Supreme Court wow leh ki yei kaam ki katkam ka riti dustur.

I khrong ki ya ka Customary Tax toh iwa da yoh bor na ka Supreme Court wei i jied yong u CEM wow lai cha khmat wow suspend ya ki man iwa leh thurmur wei khlem da pyrkhat bha neibhah i bakla toh yong ka District Council wym ye ko u chna ya ki kyndon wow khrong ya ka Cutomary Tax.

Kamtæ ka HNYF Raliang Circle da kyntu ko ya u CEM wow pyrkhat arsien yeni i leh ka EC yong oo chwa u poi i cha ki chkoor yong ki yung bichaar ka ri.

Kani toh katkam ka khubor wa phah da u Presdident ka seiñ u Donbok Dkhar wa u Publicity Secretary u Nicky Sten.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025